April 29, 2025

【選物店】選物店是什麼？為你介紹值得收藏的香港選物店及選品店產品推介

香港人一向對生活品質有要求，近年選物店成為潮流熱話，更被視為「有品味購物」嘅象徵。唔少人鍾意喺呢啲個性小店入面「尋寳」，希望從中搵到一啲驚喜、買得心頭好！本地設計品牌 MO（Mask On）近年就轉型變成生活選物店，致力幫大家搜羅嚟自世界各地嘅獨特產品，同大家分享好物，為生活增添樂趣同時提升品味。

選物店是什麼？

選物店（Select Shop）當然唔係淨係普通賣嘢嘅舖頭咁簡單啦！選物店最特別嘅位就係每一個品牌都有佢哋自己嘅獨特性，行入每一間選物店，你會發現每件商品都有佢嘅故事同特點。店主希望透過每件貨品同大家分享品牌背後嘅理念同主題。選物店嘅理念主題，通常會係圍繞︰復古、環保、生活質感、設計品味等等，而店主會蒐集風格一致嘅商品將佢哋呈現出嚟。

你可能會喺選物店入面見到嚟自日本職人手造嘅陶瓷杯、美國嘻哈風格嘅海報，又或者係瑞典環保品牌嘅再生紙簿仔等等。有唔少選物店嘅店主會親自周遊列國，揀啲有特色嘅產品返嚟同大家分享。所以去選物店唔單止係買嘢咁簡單，仲係一種生活態度嘅體驗嚟㗎！

最緊要嘅係，喺選物店買嘢唔會容易撞款！送禮物俾人都唔驚對方已經有，選物唔單止靚，重兼具了品質同實用性，係送禮物嘅誠意之選！

香港選物店 - MO 的故事理念

(圖片替代文字: 選物店故事理念-香港選物店- MO)
一講起 MO，你可能即刻諗起口罩，但其實 MO 背後嘅理念同故事都幾有意思㗎！MO 喺2020年疫情爆發嗰陣成立，嗰時大家都好需要口罩，品牌重新審視日常用品同人與人之間嘅關係，同時努力平衡「美與質」呢個理念，為生活加啲色彩。

MO 嘅核心理念，係將美感、質量同個人表達融合喺日常用品之中。品牌唔單止追求產品的實用性，更著重感官連結、情感共鳴，同埋創造 MO 獨特嘅設計語言——由色彩選擇到物料運用，MO 嘅獨特設計唔單只係視覺上嘅享受，更加係情感上面嘅共鳴，等用家受到背後嘅理念。

除咗產品，MO 亦都好重視同啲價值觀相近 Talented 嘅人或者組織一齊合作，連繫同鞏固人際網絡，齊齊創造多啲開心回憶。MO 嘅設計都好有心思，唔單止睇得舒服，仲想你用落有共鳴，感受到品牌背後嘅心機。

時代轉變得咁快，MO 都跟住轉型，由疫情時期主打口罩，到而家變咗做生活選物店，繼續用唔同方式陪住大家，堅持以人為本，務求令香港人生活多啲選擇，日日都過得精彩啲。呢種靈活性令 MO 能夠喺變幻萬千嘅環境入面，持續為香港人帶嚟各種生活用品。

MO 選品店 - 選物推薦

MO（MaskOn）首次推出迪士尼生活用品系列，系列透過運用「Mood Series」14種顏色，將迪士尼經典角色融入各式各樣嘅日常用品中，等大家可以喺平凡中搵到樂趣。我哋精挑細選咗以下幾款產品推薦，每一樣都充滿創意同心思，無論係送俾自己定係朋友，都非常適合！

選物 1︰Disney T恤

MO 提供多款迪士尼T恤，每款都用心設計，其中包括︰復古洗水Tee 、基本T恤，顏色選擇多元化，有百搭嘅白色、灰色、黑色，仲有活力十足嘅紫色。你可以揀到自己最鍾意嘅迪士尼角色，例如米奇、米妮或者唐老鴨，為自己衣櫃加添童真同朝氣！

復古洗水設計嘅 T-shirt 型格又時尚，無論襯牛仔褲定短裙都好有個人風格。MO 嘅迪士尼T恤唔單止款式多，質料都好舒服，著上身全天候都感覺自在，無論出街定係喺屋企 Chill 都一樣啱著！

迪士尼洗水Tee - Art from Vintage Products

購買連結：MO 迪士尼洗水Tee | 米奇T恤

價錢：$498

迪士尼 T 恤 - HIDING FACE 2 - 淺白

購買連結：MO 迪士尼T恤 | 唐老鴨白色T恤

價錢：$368

選物 2︰帆布袋

MO 嘅帆布袋設計簡約而實用，無論返工、返學或者日常買嘢用都得。品牌推出咗受歡迎嘅迪士尼系列布袋，配搭你最鍾意嘅米奇同米妮，拎出街都零舍開心！而鍾意簡約同有設計感嘅朋友，就一定唔可以錯過 MO 同日本插畫家 NORITAKE 合作嘅聯乘系列。

NORITAKE 用簡潔線條同大量留白創作插畫，打造出獨一無二嘅帆布袋，仲帶俾人反思同感受生活嘅深意。MO 嘅帆布袋環保又耐用，又可以為環保出一分力！帆布袋嘅大容量設計，等你可以輕鬆收納唔同物品，無論係日常用品、書本、iPad都可以放入去，實用性真係絕對無得輸！

每款袋都能展現你嘅個性，無論你追求時尚定係注重實用，MO 嘅帆布袋都可以成為你生活態度嘅一部分，用環保又有型，表達自己獨特嘅生活品味。