【文具推薦】文具控必看！必買筆記簿、便條紙等文青必備選品

文具控召集！有冇人同小編一樣，見到靚靚文具就忍唔住想收集呢？無論係學生定係辦公室一族，文具都係你哋嘅「好戰友」！學生要用筆記本溫書做功課，打工仔就要靠 Memo 紙記低重要事項。

當文具又實用又靚，仲夠晒有型，即刻可以幫你嘅生活加啲儀式感，做嘢都開心啲，成個人都有晒動力！跟住落嚟，我會同大家分享 5 款既實用又靚嘅文具，幫你搵到最啱心水物，無論你係文具控定想提升生活質感，都值得睇一睇，話唔定有驚喜！

實用文具推薦

筆記簿推薦

無論你係學生、打工仔定係創意人，筆記簿都係你嘅好幫手。平時上堂、開會或者突然有靈感，都可以隨手寫低。寫低目標、計劃同待辦事項，幫你整理思緒，做事自然更有效率。唔單止咁，筆記簿仲可以當日記咁用，記低每日心情同特別事，留住回憶，幾咁溫暖！

一本好嘅筆記簿除咗實用之外，就當然唔少得要靚啦！一本有設計感嘅筆記簿，拎上手即刻心情靚晒，記嘢都更有動力，靈感自然源源不絕，連生活質感都提升埋！喺呢到想同大家推薦 MO 一款既有設計美感又有實用性嘅迪士尼記事簿，滿足文具控嘅要求！

迪士尼記事簿 "MICKEY & FRIENDS"

呢款記事簿以米奇、米妮、唐老鴨為主題，設計可愛又有趣，適合所有年齡層嘅人使用。無論你係用嚟記錄日常生活、上課筆記，還是工作計劃，都能輕鬆使用。筆記簿 80 頁嘅設計夠你寫低每一個靈感，封面色彩豐富，等你每次望到本筆記簿都會感受到活力！

購買連結：Mo 迪士尼記事本 | "MICKEY & FRIENDS"

價錢：$58

便條紙推薦

Memo 紙雖然細細張，但用途多多，學生又好、打工仔又好，都一定會用得到！無論係提醒自己重要事項，定係留字條俾屋企人、同事、同學，都好方便。便條紙仲可以用嚟做標記，貼喺書本或者文件上面，方便自己睇返重點內容。如果想令自己用得更開心，揀啲顏色鮮艷、設計特別嘅便條紙就啱晒！

貼紙推薦

講起貼紙，真係小朋友同老師都勁鍾意！其實佢除咗靚之餘仲好實用㗎！貼紙可以用嚟裝飾筆記簿或者卡片，增添個人風格。貼紙仲可以做標記，喺 Calendar 一啲重要日子，例如：生日、會議、特別活動隔籬黐返個貼紙，咁就唔會唔記得啦！等我同大家推薦一款 MO 嘅迪士尼貼紙套裝啦，呢款貼紙設計真係好得意，有齊米奇同佢啲朋友仔嘅搞笑造型，睇嚟文具控又可以儲返一套喇！

迪士尼貼紙套裝 "MICKEY & FRIENDS"

呢個迪士尼貼紙套裝，設計靈感嚟自米奇與好友，充滿童真感覺。迪士尼貼紙唔單止可以用來裝飾，仲可以用嚟表達情緒、紀錄日常，黐喺筆記簿等每一頁都變得獨一無二。你仲可以用佢嚟標記重要日子，或者喺心情低落嗰陣黐返幾個得意嘅貼紙，等心情好返啲。

購買連結：迪士尼貼紙套裝 | "MICKEY & FRIENDS"

價錢：$48

筆袋推薦

筆袋絕對係每個學生都會有嘅文具！筆袋最主要嘅功能就係用嚟收納所有文具，保持整齊。無論係筆、擦膠、間尺，或者其他小文具，都可以放入去，咁就唔會到處亂飛。另外，有啲筆袋仲可以幫你分類唔同嘅文具，等你可以容易啲搵到想用嘅文具。市面上有好多唔同設計嘅筆袋，可以揀一個啱自己風格嘅筆袋，突顯你嘅個性。

文件夾推薦

文件夾真係辦公室入面一樣必備嘅實用文具，佢可以幫你整理文件，無論係報告、定係合同，都可以放喺入面，咁就唔會整皺或者整唔見。文件夾可以分類唔同類型嘅資料，等你好容易就可以搵到想睇嘅文件！如果文件夾有埋防水功能，咁就可以保護入面嘅文件唔會受潮，就算放喺背囊入面，落雨都唔驚整濕。

總結

文具係我哋日常生活中不可或缺嘅好幫手，無論係喺學習、工作定係生活規劃上，都扮演住不可或缺嘅角色。例如：一本好嘅筆記簿可以幫我哋記錄靈感同埋待辦事項，便條紙可以方便咁 Mark 低提醒事項，貼紙同文件夾就可以提升整理效率同個人風格。合適的文具不單止可以提升效率，仲可以令工作同學習過程變得更加有趣、更加有儀式感。

MO 嘅 Disney 系列文具就完美結合咗實用性同美感！文具嘅迪士尼經典角色設計，將米奇、米妮、唐老鴨等經典角色融入筆記簿、貼紙等入面文具入面，絕對係文具控嘅必買推介，快啲去睇睇啦！