【女生穿搭全攻略】掌握身形、顏色與風格特點，輕鬆打造個人魅力形象！

正所謂貪靚係女人嘅天性，女生穿搭亦係大多數女仔會成日討論嘅話題！喺呢個追求個性同品味嘅時代，女生穿搭已經成為咗一種展示個人風格、心情同埋生活態度嘅方式。好多女仔都會有個煩惱，就係有時心郁郁想試下唔同嘅穿搭 Style，但係又唔知點先可以揾到自己嘅風格。

其實，要著得好睇同埋有個性，並唔係盲目跟風或者著好多名牌上身，最緊要係識得運用一啲實用嘅女生穿搭技巧。喺呢篇【女生穿搭全攻略】入面，就會由淺入深咁講解女生穿搭嘅六大法則、點樣根據唔同身形揀衫，仲會介紹五種常見嘅女生穿搭風格，等你可以輕鬆搵到最適合自己嘅打扮！

女生穿搭6大法則

要著得好睇，最緊要係識得點樣「揚長避短」。以下呢六個女生穿搭法則，教你點樣掌握基本嘅女生穿搭技巧！

1. 比例與腰線

首先，第一個最重要嘅女生穿搭技巧就係要留意個腰線比例！腰線係視覺上嘅黃金分割點，如果識得利用腰線，就可以睇落去高啲同瘦啲。可以著高腰褲、高腰裙，或者用腰帶喺腰部做點綴，拉高返下半身嘅比例，令視覺上即刻高咗 10 cm！

2. 上寬下窄 / 上窄下寬的平衡美學

呢個絕對係最安全又最顯瘦嘅女生穿搭技巧！如果你著咗件 Oversize 嘅 T-Shirt 或者係鬆身衛衣，咁下身就可以襯返一條貼身嘅短褲或者窄腳褲，平衡返成個感覺。相反，如果上身係著緊身衫，咁下身就可以襯返條闊腳褲，遮住腿部線條，修飾身形。

3. 色彩搭配不超過三種

記住「Less is more」呢個穿搭技巧金句，千其唔好著太多顏色上身！基本上成身嘅顏色唔好超過三種，除非你對色彩搭配好有心得。最穩陣嘅方法係用中性色（黑、白、灰、啡）嚟做主調，再加一至兩種有色彩嘅單品，咁就可以避免視覺上嘅雜亂，令整體造型更加和諧。

4. 女生配件是穿搭的加分項

女生配件絕對係女生穿搭嘅靈魂！如果適當運用女生穿搭配件，就會令你成個造型望落去更有層次感。建議可以一個襯返個手袋、有設計感嘅鞋、頸鏈，甚至係太陽眼鏡，都可以令你成個 Look 升級！

5. 材質混搭製造層次

如果淨係用同一種材質嘅衫褲襯衫，個感覺可能會好單調。所以可以試下將唔同材質嘅單品混搭，例如: 用牛仔褲配絲質上衣，或者用針織衫襯皮革裙，咁樣就可以增加視覺上嘅層次感，打造出有質感嘅女生穿搭風格。

6. 肌膚裸露比例

最後一個女生穿搭技巧，就係適當咁裸露肌膚，小性感得嚟，又可以帶出輕盈嘅感覺。但呢個穿搭技巧都要留意比例，記住唔好一次過露太多！如果著露肩上衣就唔好再著熱褲，著短裙嘅話，上身就可以襯返件比較保守啲嘅上衣。

不同身形女生的穿搭技巧

每個女仔都有自己獨特嘅身形，當你著嘅衫可以突顯到身形嘅優點，修飾到缺點，先至可以提升你嘅穿搭魅力！呢部份就會同大家拆解唔同身形嘅女生穿搭技巧。

1. 蘋果型身形

蘋果型身材嘅女仔通常上半身比較圓潤，四肢較纖細。可以選擇 A 字型連身裙、剪裁俐落嘅長外套，或者喺胸口位置有 V 領設計嘅上衣，將視覺焦點轉移到鎖骨同埋纖細嘅四肢。記住唔好著緊身或橫條紋嘅上衣啊！

2. 梨型身形

梨型身材嘅女仔臀部同大腿比較豐滿，建議可以著一啲材質硬挺同埋深色系嘅長裙或者闊腳褲嚟修飾下半身，上身就可以選擇有荷葉邊、泡泡袖嘅上衣。透過強調上半身，弱化下半身，利用視覺錯覺嚟達到顯瘦效果！

3. 沙漏型身形

沙漏型身材簡直係公認嘅完美身形！沙漏型身材嘅女仔腰部線條明顯，比例均勻。如果你係沙漏型身材，咁恭喜你！你可以大膽放心咁著緊身連身裙、鉛筆裙，或者用腰帶強調腰線，盡情咁展示你嘅優美嘅身體曲線！

4. 小個子身形

嬌小型嘅女仔最重要係拉長身體比例！喺穿搭技巧方面，可以選擇高腰褲、短版上衣或者單色連身裙。同埋，記住盡量唔好著過長嘅外套，避免將身體用顔色分成太多段，因為咁樣會睇落去更加矮。另外，著長褲嗰陣可以露出少少腳踝，或者著厚底鞋，幫你拉長個身形！

5. 草莓型 / 倒三角形身形

倒三角形身形嘅女仔，要留意嘅穿搭技巧係柔化上半身線條、增加下半身份量。可以選擇 V 領或者斜肩上衣嚟柔化肩膀線條。下身就可以著有膨脹感嘅 A 字裙、百褶裙或闊腳褲，平衡返上下半身嘅比例。

6. H 型 / 矩形身材

H 型身材嘅女仔缺乏明顯嘅腰部曲線，所以可以著有收腰設計嘅連身裙，或者選擇有層次感嘅上衣，強化腰線同曲線感。另外，千其要避免著直筒的版型嘅衫！要著一啲有「輪廓感」設計嘅衫，例如：A 字裙、荷葉邊上衣，或者係有份量感嘅錐形褲。

５種女生常見穿搭風格

1. 中性穿搭

中性穿搭風格俐落又簡約，唔強調性別嘅界線，佢嘅魅力在於 Boyish 嘅隨性同型格，適合鍾意型格風嘅女仔。中性穿搭嘅重點在於「寬鬆」同埋「線條簡潔」，建議可以揀 Oversize T-Shirt、寬鬆嘅襯衫，或者闊腳褲。顏色就通常以黑、白、灰、藍、卡其等中性色為主。喺呢到想同大家介紹一件 MO 嘅中性女生穿搭單品！

Disney Tee - RETRO PICTURE BOOK - Retro Tee

想打造隨性得嚟又型格嘅中性女生穿搭，呢件 MO 嘅迪士尼復古 Tee 絕對係你嘅女生必備單品！佢採用咗特別嘅洗水工藝，充滿復古味道。T-Shirt 上面嘅「RETRO PICTURE BOOK」字樣同圖案設計低調有型，可以輕鬆融入唔同嘅女生穿搭風格。寬鬆嘅剪裁唔單止著得舒服，更完美符合中性穿搭嘅重點。無論係單獨著，定係喺出面加件闊身外套，都同樣可以打造出中性型格風！

購買連結：MO 迪士尼洗水Tee | 復古繪本T恤

價錢：$458

2. 氣質穿搭

氣質穿搭風格嘅色系通常都係比較柔和舒服，畀人一種溫柔大方嘅感覺。呢種風格唔需要太多複雜嘅設計，只需要靠質感同埋顏色嘅搭配。氣質穿搭嘅重點係「淺色系」同埋「簡約設計」，可以選擇杏色、米白、淺灰、奶茶色等柔和色系嘅單品，例如：素色連身裙嘅配搭、針織衫配半身裙，又或者絲質襯衫，都可以輕鬆著出溫柔優雅嘅氣質。

3. 可愛穿搭

如果你想展現活潑、甜美嘅一面，咁就可以試吓可愛穿搭風格。呢種女生穿搭風格充滿少女感，令人感覺充滿元氣同埋親和力！可愛穿搭嘅色系通常都係粉色、黃色、淺藍色，一啲比較明亮嘅顏色。另外，可以選擇有可愛卡通圖案嘅衫，又或者配搭蝴蝶結、蕾絲、娃娃領等等嘅設計元素。跟住落嚟，就當然唔少得可愛女生穿搭嘅必備單品推薦啦！

迪士尼 T 恤 - HIDING FACE 2 - 淺白

呢件淺白色嘅迪士尼 T-Shirt 絕對係元氣少女嘅必備單品！佢嘅設計簡約得嚟又充滿童趣，前面嘅唐老鴨小圖案低調得嚟又可愛！同埋，T-Shirt 嘅純棉質地著上身柔軟又舒服，恰到好處嘅版型設計適合唔同身型嘅女仔。可以單獨著，又或者喺出面加件背心裙都得，完美襯出甜美風格！

購買連結：MO 迪士尼Tee | 唐老鴨T恤

價錢：$338

4. 文藝純樸風穿搭

文藝風嘅重點係知性同埋舒適，呢種風格嘅女生穿搭通常帶有文青氣息，感覺上係特別鍾意睇書、去咖啡店嘅女仔。文藝穿搭風格嘅女仔，通常會著棉麻、燈芯絨材質嘅衫。例如：長版背心裙、寬鬆針織衫，又或者棉麻本身裙。另外，亦都可以配搭一頂畫家帽、頭巾或者布袋，為整體造型加分！

5. 歐美風穿搭

歐美風強調個人風格同埋自由搭配，會大膽運用對比色，例如：黑色、灰色、白色，再利用唔同材質嘅單品創造出層次感。常見嘅歐美風單品包括：緊身牛仔褲、短版上衣、西裝外套、皮褸等。另外，亦都可以配搭一啲誇張嘅頸鏈、手袋或者棒球帽，提升造型層次！喺呢就想同大家介紹一頂超級百搭嘅棒球帽！

MO 迪士尼米妮棒球帽 - RETRO PICTURE BOOK

呢頂 MO 迪士尼米妮棒球帽，採用咗型格嘅暗紅色牛仔布料，質感十足。棒球帽上面嘅復古米妮繪本字樣，設計簡約得嚟又夠晒獨特。無論你係想襯緊身牛仔褲，定係西裝外套，都可以輕鬆融入你嘅歐美女生穿搭風格，提升整體嘅時尚感同埋個人風格！

購買連結：MO 迪士尼米妮棒球帽 | 復古繪本

價錢：$298

打造獨一無二的女生穿搭風格！

女生穿搭嘅真諦，並唔係盲目追逐最新嘅潮流，而係搵到可以展現你個人特色嘅風格。記住，著一啲最適合自己嘅衫，先至係最有「高級感」嘅女生穿搭！希望呢篇文章所介紹嘅女生穿搭技巧，同埋各種女生穿搭風格，可以幫到你哋摸索出屬於自己嘅魅力！

MO 為大家精選咗多款高質感，又易襯嘅女生必備單品同女生配件，完美結合咗唔同風格，無論你鍾意日系女生穿搭、韓系女生穿搭定係其他女生穿搭風格，都可以喺度搵到心水產品。快啲去 MO 官網睇睇，搵返專屬你嘅獨一無二女生穿搭啦！