【消毒生活指南】防疫產品都可以好講究？馬上查看各款不傷手搓手液和消毒噴霧，讓您從戶外到家中，全日都被悉心呵護！

【消毒，真係要捽㗎！】

捽，唔係捽手嘅捽，係不斷反覆思量，咬實要改良到最好嗰種「捽」！喺MO眼中捽嘢係理所當然，唔捽啲產品又點會咁靚、咁好用？當主理抗疫嘅其中一項核心環節係「消毒」，我哋又點會唔捽？！

呢幾年，市面上嘅消毒產品多到你一世都用唔晒，但好多產品嘅使用感受都係唔理想，令人用過一次半次就怕怕唔想再用，我哋name呢啲叫「不可持續」。例如，搓到隻手黐𥹉𥹉嘅搓手液、犧牲皮膚嚟消毒嘅酒精用品。MO梗係唔收貨啦！其實我哋一早就講，有關個人衛生嘅習慣，如果無持續性就無意思。所以我哋決定自己推出能夠達到可持續衛生嘅消毒用品，一日未捽到你哋肯成日用，我哋就唔收手！

點捽法？我哋考慮咗好多問題：點樣消毒先啱？用咩消毒產品最好？邊種消毒成份會少啲傷害？用家對消毒用品有咩訴求？消毒用品仲可以有咩突破？真係問到我哋都覺得煩。就係咁我哋收窄咗幾個大方向，捽產品設計、捽成份再捽包裝design，終於喺MO陣容加入咗以下嘅四大可持續消毒用品選擇：

1）不傷手搓手液

出面賣緊嘅絕大部份都係酒精消毒搓手液，酒精嘅好處係能夠快速殺死細菌同冠狀病毒，不過佢亦會破壞皮膚嘅保護層，抽乾水份。搓幾次隻手就會嚡過砂紙，甚至爆拆出血。MO團隊於是喺消毒搓手液加入潤手最強嘅甘油，同護膚級嘅透明質酸，製作成MO._HYDRA＋水潤搓手液。用過呢款不傷手搓手液嘅朋友feedback返︰「搓完雙手唔單只無乾噌噌，Keep住用一段時間後，皮膚仲好咗！」消毒護膚一齊做，你哋就再無藉口唔勤力搓手啦！

2）非酒精搓手液

 

嗱嗱嗱，MO捽嘢就係咁，出完有護膚功效嘅酒精搓手液我哋追住再問，唔用酒精得唔得？有冇其他成份犀利到可以殺菌但唔傷皮膚？甚至有埋酒精搓手液都做唔到嘅其他優點？結果我哋搵到個答案，係納米！為咗叩高科技嘅門，MO同香港納米及先進材料研發院（NAMI）合作研發，推出Nano-EO納米無酒精殺菌噴霧。產品有效殺滅99.9%新冠病毒同細菌，而且仲會形成24小時抗菌保護層，即係話佢比酒精有更持久嘅抗菌能力。Nano-EO無酒精之餘，仲有修護皮膚嘅成份，可以直接噴手當無酒精搓手液咁用，一樣係消毒同時護手。

 

3）不黏手搓手液

 

不黏手搓手液係大家嘅基本要求，偏偏好多搓手液用完會有殘餘成份留喺皮膚，搞到成隻手黐𥹉𥹉。MO一早就解決咗呢個問題，MO._HYDRA＋水潤搓手液嘅護膚成份可以快速被皮膚吸收，而Nano-EO留喺皮膚上嘅只係納米程度嘅保護層，身體根本feel唔到，啱晒一直想搵免洗搓手液嘅用家。

 

4）便攜搓手液

 

方便真係好緊要，搓手液一定要方便攜帶，咁先可以隨時搓手。不過我哋嘅設計師覺得淨係整細個樽都未夠方便，於是佢哋就design咗呢款便攜搓手液—Nano-EO全效能消毒噴霧。佢係薄薄嘅卡片型，就算攝入褲袋或者pocket tee嘅口袋，都唔會凸出現形。而佢嘅靚仔設計，會令你好樂意隨時攞出嚟搓手show off吓，呢啲先係真正嘅方便。

所以話呢，消毒真係要捽，其實好多嘢都要捽，我哋會繼續捽靚MO個品牌，出多啲精緻好用啲產品，幫你哋捽靚每日嘅生活！

‘‘𝐌𝐮𝐬𝐞 𝘢 𝐒𝐩𝐞𝐜𝐢𝐚𝐥 𝐊𝐢𝐧𝐝 𝘰𝘧 𝐍𝐨𝐫𝐦𝐚𝐥’’